ახალი ამბების არქივი

სოციალურ მეცნიერებებში ელექტრონული ლექსიკონი-ცნობარის პრეზენტაცია

2016 წლის 5 მაისს, თბილისის სახელმწიფო უნივერსიტეტში გაიმართა "სოციალურ მეცნიერებებში ლექსიკონი-ცნობარის" პრეზენტაცია.

პროექტი განხორციელდა 2014-2016 წლებში შოთა რუსთაველის ეროვნული სამეცნიერო ფონდის ფინანსური მხარდაჭერით. ეს არის რიგით მეორე ქართულენოვანი ლექსიკონი-ცნობარი სოციალურ მეცნიერებებში, რომელიც ცენტრის მიერ შეიქმნა. იგი მიზნად ისახავდა ცენტრის მიერ 2004 წელს გამოცემულ „სოციალურ და პოლიტიკურ ტერმინთა ლექსიკონი-ცნობარის" შევსებას, კერძოდ კი, იმ სფეროების დაფარვას, რომელიც წინა ბეჭდურ ვერსიაში ვერ მოხვდა. ამ ეტაპზე ელექტრონულ ლექსიკონში შევიდა 1203 ტერმინი, აქედან 500 ტერმინი არის ფსიქოლოგიის დარგში, 300 - გენდერსა და ფემინისტურ თეორიებში, 201 ტერმინი - საჯარო პოლიტიკასა და საჯარო მმართველობაში, და 202 ტერმინი - გამოყენებით სტატისტიკაში. მომავალში იგეგმება, 2004 წლის გამოცემის დიგიტალიზაცია, და სოციალურ მეცნიერებათა ერთიანი ელექტრონული ლექსიკონის შექმნა.

ონლაინ ლექსიკონი და ლექსიკონის დესკტოპ-აპლიკაცია, რომელიც აღნიშნული პროექტის ფარგლებში შეიქმნა, გამიზნულია ფართო საზოგადოებისთვის: სტუდენტებისთვის, პროფესორებისთვის, მთარგმნელებისთვის, სხვ. ლექსიკონი ღიად ხელმისაწვდომია ყველა დაინტერესებული პირისთვის.

პრესრელიზი