თვის არქივი: ოქტომბერი 2020

სტუდენტური კონფერენცია „საქართველო და ნატო – გამოწვევები და სამომავლო პერსპექტივები”

ორგანიზატორი: სოციალურ მეცნიერებათა ცენტრი
კონფერენციის თარიღი: 2020 წლის 23-24 დეკემბერი
კონფერენციის ენა: ქართული
ადგილი: კონფერენცია ჩატარდება ონლაინ, პროგრამა Zoom-ის საშუალებით. დასწრების მსურველებმა თვალი ადევნეთ ცენტრის ფეისბუქის გვერდს ლაივ ჩართვისთვის.
კონფერენცია ტარდება ნატოს სახალხო დიპლომატიის პროგრამის მხარდაჭერით

2020 წლის 23-24 დეკემბერს სოციალურ მეცნიერებათა ცენტრი მართავს სტუდენტურ კონფერენციას “საქართველო და ნატო – გამოწვევები და სამომავლო პერსპექტივები,”  რომელიც ტარდება პროექტის „საქართველოს ახალგაზრდა ქალები ნატოსთვის“ ფარგლებში ნატოს სახალხო დიპლომატიის პროგრამის დაფინანსებით. პროექტის მიზანია, საქართველოს ახალგაზრდა ქალების ჩართულობის გაძლიერება ნატოს როლის შესახებ საერთაშორისო მშვიდობისა და უსაფრთხოების საკითხებში წარმოებულ დისკუსიებში.

დაწვრილებით

სოციოლოგიური კვლევის თვისებრივი მეთოდები

ავტორი: ლია წულაძე

სამეცნიერო რედაქტორი: ნინო ჯავახიშვილი, ფსიქოლოგიის პროფესორი, დ. უზნაძის ფსიქოლოგიის ინსტიტუტის დირექტორი,ილიას სახელმწიფო უნივერსიტეტი

© ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა, 2020

ISBN 978-9941-13-930-7 (pdf)

ჩამოტვირთვა

მოცემული სახელმძღვანელო სოციოლოგიური კვლევის თვისებრივ მეთოდებს ეძღვნება და გათვლილია მათზე, ვისაც თვისებრივი მეთოდების საბაზისო ცოდნა აქვს, განსაკუთრებით, მაგისტრატურის სტუდენტებზე. სახელმძღვანელო 10 თავისგან შედგება, რომელთაგან პირველი ორი ემპირიული კვლევისთვის ამზადებს სტუდენტს, შემდეგი ოთხი თავი მონაცემების მოპოვების სხვადასხვა მეთოდს განიხილავს, მომდევნო სამი თავი – მონაცემების ანალიზის
ტექნიკას და ბოლო თავი – მონაცემების პრეზენტაციას. იმ თავებს, რომლის შესაბამის საკითხებზეც სტუდენტები ემპირიულ დავალებებს ასრულებენ, სტუდენტების ნიმუშები ახლავს. სახელმძღვანელოს სტრუქტურა და შინაარსი ავტორის თეორიულ ცოდნას და პრაქტიკულ გამოცდილებას ეფუძნება – როგორც ემპირიული კვლევების განხორციელების, ისე სტუდენტების სწავლების კუთხით.

გამოცემულია ივანე ჯავახიშვილის სახელობის თბილისის სახელმწიფო უნივერსიტეტის საუნივერსიტეტო საგამომცემლო საბჭოს გადაწყვეტილებით.