სტუდენტური კონფერენცია „საქართველო და ნატო – გამოწვევები და სამომავლო პერსპექტივები”

ორგანიზატორი: სოციალურ მეცნიერებათა ცენტრი
კონფერენციის თარიღი: 2020 წლის დეკემბერი
კონფერენციის ენა: ქართული
ადგილი: კონფერენცია ჩატარდება ონლაინ, პროგრამა Zoom-ის საშუალებით
კონფერენცია ტარდება ნატოს სახალხო დიპლომატიის პროგრამის მხარდაჭერით

სოციალურ მეცნიერებათა ცენტრი გიწვევთ მონაწილეობის მისაღებად სტუდენტურ კონფერენციაში “საქართველო და ნატო – გამოწვევები და სამომავლო პერსპექტივები,”  რომელიც ტარდება პროექტის „საქართველოს ახალგაზრდა ქალები ნატოსთვის“ ფარგლებში ნატოს სახალხო დიპლომატიის პროგრამის დაფინანსებით. პროექტის მიზანია, საქართველოს ახალგაზრდა ქალების ჩართულობის გაძლიერება ნატოს როლის შესახებ საერთაშორისო მშვიდობისა და უსაფრთხოების საკითხებში წარმოებულ დისკუსიებში.

კონფერენციის თემატიკა მოიცავს შემდეგ ძირითად საკითხებს:

  • ნატოს როლი საერთაშორისო უსაფრთხოების შენარჩუნებაში
  • ნატო და უსაფრთხოების გამოწვევები სამხრეთ კავკასიაში
  • ნატოს როლი საქართველოს უსაფრთხოების კონტექსტში
  • ნატოს გავლენა საქართველოსა და მის მოსახლეობაზე
  • მოსახლეობის დამოკიდებულებები საქართველოს ნატოში ინტეგრაციის მიმართ
  • ნატო და ევროკავშირი vs რუსეთი – ნორმატული ძალა სამხედრო ძალის წინააღმდეგ?

კონფერენციაზე მონაწილეობას მიიღებს მოწვეული მომხსენებელი ნატოს წარმომადგენლობიდან.  

კონფერენციაში მონაწილეობა შეუძლია საქართველოს უნივერსიტეტების პოლიტიკის მეცნიერებების, საერთაშორისო ურთიერთობების, სოციოლოგიის და მომიჯნავე დისციპლინების სტუდენტებსა და კურსდამთავრებულებს.

კონფერენციაზე გამოვლინდება საუკეთესო ნაშრომების ავტორები, რომელთაც გადაეცემათ ფულადი ჯილდოები, ხოლო ნაშრომები განთავსდება სოციალურ მეცნიერებათა ცენტრის ვებგვერდზე.

კონფერენციაში მონაწილეობის მსურველებმა მოხსენების აბსტრაქტები (მაქსიმუმ 300 სიტყვა) გამოაგზავნეთ 2020 წლის 15 ნოემბრამდე შემდეგ ელ-ფოსტაზე: nato70georgia@css.ge

აბსტრაქტში მიუთითეთ თქვენი საკონტაქტო ინფორმაცია და ინსტიტუციური აფილიაცია (რომელი უნივერსიტეტის სტუდენტი ან კურსდამთავრებული ხართ).

საკონტაქტო პირი:
დიანა ლეჟავა
d.lezhava@css.ge

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *